شئعير
ياشام قادينليغيندا گونوسوز يوخ گون سوز اولدوز سوز آي سيز گئجه گؤيون بويوندان دوشور قارانليق ايليق- ايليق گيرير قيليغيميزا يالان- يالان جانلانير گئجه آنلانير ساهات آلدانير آدام قومارين ان اتوزغون واراقلاريندا بيزي بوراخسين دئيه سئوگيميزي قيزيل اونلوقدا گئجه يه باغيشلاييريق آمان آمان سئوگي آندي سينير آرخاسي يازيق ساراميز بير قومارليق ، گئجه نين خومارليغيني ياشادير بيزده قارايئل ايچيميزده سيزيلداياراق دئيير: ياتين آييق ياتين عؤمرومون بير آييني ساتديم قونشوموزا من بير آيليق اؤلدوم!! سو سپيرلر آرديمجا ... ياخشي يول ... دئمك عزراييلين آپاريشيندا دا چوخ ايشلر اولورموش آآآ !!! اؤلوب ديريلينجه ده ده م ياندي *** ايندي ديريلميشم هه... هر شئي اؤز يئرينده دير شهر ائو قادين هرنه آما ايندي ايللردير قادينيمي يويورام سيليرم سوپورورم قونشو كيشيسينين سيقارت قوخولاري گئجه ميزدن گئتمه يير!!! *** دونن يولاقدا ياخالاديم او كيشيني "گده گل اؤزونو قادينيمدان گؤتور گئت دئديم" دئدي : "...په هوووو ، اونون بير آي ايشي وار سئوگی عاغیلا گلمز باشاگلر باشاگلمدی .. عاغلیمیزدا ناغیلا دؤندو اؤنجه سنی یاتاغیمدا دویدوم سونرا، یوخودا سنین کیمی شیرین اولدو فرهادا دؤندوم حسرتیندن داغ پارچالادیم اوره ییمده گئجه می دان اؤرته نه جن مئساجیندا گون آیدین دئسن ....خان کؤرپوسونه ده گلرم آلا گؤزلریمی آل بویا ،گئتمه سن باشا دوشدون من باشا دوشمه دیم تانریچام ائرته چای اؤپنده دوداقلارینی گؤزلریم گیله لندی ماغیل پئوتیک یاشامیمیزا تاریخلر دالاندا مدرن جه سینه سئویشلر یاپیلاندا بیزدن حسرت گؤیه رجک آغیللاردا ناغیلا دؤنه لیم هئی ...
| Design By : Night Melody |
بیناب شهرینده یاشاییرام
هردن بير آدديم اؤلومه جن آتيليرام
...........................................
آردیني دا گلجک ده یازارام ...
